Шиғри һүҙем менән. Шиғырҙар бесплатное чтение

• Зарифа әбей
• Яланда эшләй
• Орлоҡтар йыя
• Тоҡтарға ҡуя
• Тәбиғәт матур
• Зарифа ғорур
• Ҙур бит хайуандай
• Трактор тырылдай
• Сыйырсыҡ, турғай
• Ем юлда ашай
• Ҡояш та балҡый
• Ҡыҙ китап уҡый
• Беҙҙең ҡарашта
• Саф һауа тышта
• Кем тышҡа сыға
• Йәм килә уға!

• Һорамайса килә изге март,
• Сәйәхәтсе һымаҡ бит ул ҡарт.
• Ә ни өсөн март та ҡарт булған?
• Ул күп саҡрым беҙгә атлаған.
• Ҡарҙар, буран аша ул килгән,
• Умырзая юлда эҙләгән,
• Беҙгә еткәс тә уны тапҡан
• Бушҡа түгел еренә ҡайтҡан!
• Ҡояш менән көн һайын уйнай.
• Февраль китеп, бик оҙаҡ илай.
• Күҙ йәштәре ямғырҙай тама.
• Яҙ мәлдәрен, йәнем, онотма.
• Йөрәгемә килә изге март
• Йылы ҡосаҡ менән ул йомарт.

• Тышта томан, ҡуйы томан.
• Һыуыҡ менән тулы урман.
• Ҡыш китәсәк әле ҡасан,
• Һыуыҡ китһә, китер томан.
• Үткән байрам, шаулы байрам.
• Томан менән тулы урам.
• Кем йортонан сыға ала,
• Юлды тапмаҫ ул тағы ла.
• Һыуыҡ менән тулы ҡала
• Ялҡаулыҡта кеүек була
• Уны яба ҡалын юрған
• Ҡыш билдәһе, ап-аҡ томан.

Яҡын дуҫтан хатты алып,

Уны юғалтмаҫҡа теләйем.

Шиғриәтле юлды уҡып,

Илһамымды бында эҙләйем

Дуҫ минең йәнемде белә,

Уның яҡта булғым килә.

Алыҫ ерҙә йәшәй, ләкин

Күңелемә ул -иң яҡын.

Хәтирәләр генә тотоп,

Йылы һүҙҙәр оҙаҡ һаҡлайым.

Аралыҡты ла онотоп

Рухи туғанлыҡты аңлайым.